Новак Джокавіч, выбраны чалец рады гульцоў, як Роджэр Фэдэрэр і Рафаэль Надаль, гаворачы аб прапанове, пакуль не раскрываюць ўсіх дэталяў новага Кубку. Але журналісты ўпэўненыя ў тым, што фармат турніру ўжо быў распрацаваны адмысловай кампаніяй па спартовым маркетынгу.

План прадугледжвае ўстанову дзесяцідзённага турніру, які будзе праводзіцца раз у два гады. 32 каманды будуць пабітыя на чатыры групы. Па чатыры каманды з групы выйдуць у наступны этап, які будзе праводзіцца па сыстэме плэй-офф (на вылет). Матчы паміж зборнымі будуць складацца з пяці сэтаў, і ў кожнай гульні будуць абавязаны прыняць удзел прынамсі па два тэнісіста кожнай з каманд.

Паводле uk.reuters.com

У фінальным матчы турніру WTA у Брысбане бельгійка ў драматычнай барацьбе саступіла сваёй суайчынніцы Кім Клійстэрс. Пасьля паразы Жусьцін прызналася, што траўму левай нагі яна атрымала яшчэ раней на пачатку турніру, але ў фінале усё толькі пагоршылася.

Жусьцін Энэн: “Апошнія некалькі дзён быў невялікі боль, але ў трэцім сэце матчу з Кім мне стала вельмі балюча. Спадзяюся, што траўма несур’ёзная і мне атрымаецца аднавіцца ў кароткія тэрміны. Я лічу, што ў маёй сітуацыі гуляць у Сіднэі было б вялікай памылкай”.

Адмова былой першай ракеткі ад турніру ў Сіднэі, дзе Жусьцін магла б ужо ў другім коле сустрэцца з Серэнай Ўільямс, азначае, што мы пакуль не ўбачым працяг трыумфальнага вяртаньня знакамітай тэнісісткі.

Фінал Турніру ATP, Доха. Мікалай ДАВЫДЗЕНКА – НАДАЛЬ – 0:6, 7:6 (11:9), 6:4.

У першым сэце Давыдзенка выглядаў жахліва, зьліўшы Надалю - 0:6. Але ўсё ж гуляць ідэальна ўвесь матч Рафаэль не мог, і Давыдзенека паступова набраўся моцы, і ў яго сталі зьяўляцца шанцы. Апроч таго што Мікалай стаў менш памыляцца самастойна, ён дадаў у актыўнасьці і часцей стаў выходзіць наперад. Скарочаныя ўдары з лёту былі сакрэтнай зброяй Мікалая, вялікая колькасьць пойнтаў ён выйграў дзякуючы ім.

Напачатку другога сэта Давыдзенцы атрымалася зрабіць брэйк, але Надаль не здаўся і пры ліку 5:3 здолеў перавесьці сэт у тай-брэйк. І трынадцаты гейм атрымаўся неверагодна захапляльным. Падача не прыносіла нікому перавагі, таму міні-брэйкаў было вельмі шмат. У гішпанца двойчы былі матчболы на ўласнай падачы, але ў выніку Мікалай выявіў нясхільны характар і вырваў сэт – 7:6 (11:9).

Пасьля такога працоўнага сэта рушыў усьлед невялікі спад, таму што проста фізычна цяжка было адразу зноў гуляць з поўнай аддачай. Гэта прывяло да таго, што Надалю атрымалася зрабіць брэйк. Блізкі гішпанец быў да таго, каб яшчэ раз узяць чужую падачу, але тут Давыдзенка зноў уключыўся на поўную моц. Сам Рафаэль па-ранейшаму гуляў выдатна, але і яго ўзрушаючай хуткасьці не заўсёды хапала ў гульні супраць Мікалая. У выніку Давыдзенка дагнаў суперніка, у барацьбе выйграў гейм на сваёй падачы, а затым упэўнена зрабіў пераможны брэйк – 6:4.

Для Давыденко новы тытул у Досе стаў юбілейным – двадцатым.

Жусьцін Энэн, атрымаўшая ўайлд кард (wild card) для ўдзелу ў першым сур’ёзным турніру пасьля яе вяртаньня ў тэніс, паказала выдатную форму, нібыта Жусьцін і не сыходзіла нікуды. Але другая бэльгійка, якая таксама вярнулася ў вялікі тэніс, але на год раней, аказалася мацней. Агульны фінальнай лік партыі -- 6:3, 4:6, 7:6 (8:6). Перамога Кім Клійстэрс.

Давід Фэрэр вызваўся замяніць Жо-Вільфрэда Тсонгу на паказальным турніры Абу Дабі Capitala World Tennis Championship.

Свой першы матч на турніры Давід згуляе з Мікалаем Давыдзенкам.

Давід Фэрэр: “Я вельмі рады магчымасьці пачаць сезон у Абу Дабі з лепшымі тэнісістамі планеты і з нецярпеньнем чакаю турніру. З Давыдзенкам заўсёды складана гуляць, а ў апошні час ён выступае проста выдатна і я з цікавасьцю чакаю нашай сустрэчы. Мы з Рафам (Надалем) – добрыя сябры, і было б добра згуляць зь ім у паўфінале. Ён распавёў, што летась атмасфера ў Абу Дабі была вельмі пышнай і было шмат гішпанскіх аматараў”.

Апроч самога Джокавіча, які будзе гуляць на бас-гітары, у групу ўвойдзе таксама яго брат Марко, які стане барабаншчыкам, а таксама яшчэ некалькі сяброў. Яшчэ невядома, як будзе звацца група і ці зьяўляюцца астатнія чальцы калектыва таксама тэнісістамі, і ці будуць яны граць тэнісны рок.

Новак Джокавіч: “Я вырашыў стварыць гурт, і я вельмі хачу зь ім прыйсьці да вялікага поспеху. Я паспрабую надаваць гэтаму праекту досыць часу, каб павялічыць сваё майстэрства”.

Для лепшых тэнісістаў планеты турнір у Брысбане будзе неблагой падрыхтоўкай да Australian Open. Нагадаем, што першы турнір Вялікага Шлема ў 2010 годзе пройдзе з 18 па 25 студзеня.

Пераможцам сярод мужчын у пяты раз стаў Роджэр Фэдэрэр, які вярнуўся сабе страчаны ў мінулым годзе першы радок сусьветнага рэйтынгу. Швейцарац упершыню ў кар’еры выйграў Адкрыты чэмпіянат Францыі (Ралан Гарос) – адзіны турнір Вялікага шлема, на якім яму ніяк не атрымоўвалася перамагаць. А затым стаў найлепшым і на Ўімблдоне, пабіўшы рэкорд Піта Сампраса па колькасьці тытулаў на турнірах Grand Slam. Такім чынам ў Фэдэрэра зараз 15 перамог на турнірах Вялікага Шлема.

Для Серэны Ўільямс тытул чэмпіёнкі сьвету стаў другім ў кар’еры. Амерыканка выйграла Austalian Open і Ўімблдон, што дазволіла ёй умацавацца на першым радку рэйтынгу WTA.

Датчанка пачне сезон паказальным турнірам Hong Kong Tennis Classic (6 – 9 студзеня), пасьля чаго выступіць у Сіднэі (11 – 16 студзеня) і на Australian Open (18 – 31 студзеня).

У лютым Возняцки плануе згуляць за нацыянальную зборную ў Кубку Федэрацыі, пасьля чаго выступіць у Дубаі (15 – 21 лютага), у Індыян-Ўэлсе (8 – 21 сакавіка) і Маямі (22 сакавіка – 4 апереля), Понтэ-Ведра-Біч (5 – 11 красавіка), Чарльстон (12 – 18 красавіка).

Рыхтуецца да Roland Garros Каралін будзе ў Штутгарце (26 красавіка – 2 траўня), Рыме (3 – 9 траўня), Мадрыдзе (10 – 16 траўня) і Варшаве (17 – 23 траўня). Пасьля Адкрытага чэмпіянату Францыі Вазняцкі выступіць у Істборне (14 – 20 чэрвеня) і на Ўімблдоне (21 чэрвеня – 4 ліпеня).

У чэрвені тэнісістка возьме паўзу, а вернецца на корт толькі 2 жніўня, калі ў Капенгазене стартуе турнір WTA e-Boks Danish Open. Пасьля гэтага Вазняцкі згуляе ў Цынцынаці (9 – 15 жніўня), Монрэалі (16 – 22 жніўня) і на US Open (30 жніўня – 12 верасня). З планамі на восень Каралін вызначыцца пазьней.

Метэаролаг Melbourne Park Боб Лейтан распавёў, што падчас Адкрытага чэмпіянату Аўстраліі, да пачатку якога застаецца меней месяца, чакаецца спрыяльнае надвор’е.

Боб Лейтан: “Цяпер нішто не прадвяшчае спякоты накшталт той, якая была летась. Хутчэй за ўсё, будзе звычайнае для Мельбурна лета – ідэальнае для Australian Open – больш паловы сонечных дзён і парадку 25 градусаў. Некалькі дзён тэмпература паветра будзе больш 30 градусаў цяпла, і захоўваецца верагоднасьць летніх навальніцаў. З 1988 толькі аднойчы за ўсе два тыдні турніру не было дажджу, і толькі аднойчы тэмпература не перавысіла 35 градусаў. За апошнія 16 турніраў у палове выпадкаў быў хоць бы адзін дзень, калі паветра выгравалася да 40 градусаў”.