Другая ракетка сьвету Дынара Сафіна з-за траўмы сьпіны знялася з турніру WTA ў аўстралійскім Брысбане, які пройдзе з 3 па 10 студзеня 2010 непасрэдна перад Australian Open.

Стыў Айлес (Brisbane International): “Сафіна вельмі спадзявалася пачаць свае выступы ў новым сезоне менавіта ў Брысбане, але траўма не дазволіць ёй гэта зрабіць. Я ведаю, яна зрабіла б усё магчымае, каб выйсьці на нашы корты, але часу засталося вельмі мала, і Сафіна проста не пасьпее набраць форму.”

Тым не менш, чакаецца, што Дынара ўсё ж згуляе на Australian Open, дзе ў мінулым сезоне яна дайшла да фіналу, але саступіла Серэне Ўільямс.

Апублікаваны сьпіс самых папулярных тэнісістаў па версіі пошуковай сістэмы Google. У 2009 годзе карыстальнікі шукалі гэтыя імёны найчасьцей:

1. Роджэр Фэдэрэр
2. Серэна Ўільямс
3. Рафаэль Надаль
4. Марыя Шарапава
5. Ганна Курнікава
6. Вінус Ўільямс
7. Андрэ Агасі
8. Кім Кляйстэрс
9. Дынара Сафіна
10.Моніка Селеш

Справаздача даследчай групы Sweeney Sport Report паказаў, што за зімовы перыяд 2009 тэніс быў самым папулярным спортам у Аўстраліі. Гэты від спорту набраў 58% цікавасьці гледачоў.

Кіраўнік Федэрацыі тэніса Аўстраліі Крэйг Цілі выказаў натхненьне паводле вынікаў апытаньня.

Крэйг Цілі: “Даследваньне Sweeney – адзін з пазітыўных паказчыкаў росту папулярнасьці і развіцьця тэніса. Але гэта не падстава расслабляцца, наадварот, мы павінны разьвіваць супрацоўніцтва з клубамі, цэнтрамі і трэнерамі для таго, каб тэніс стаў больш даступным”.

Найбольш прэстыжны турнір Аўстраліі – Australian Open – пройдзе з 18 па 31 студзеня 2010. Мінулагоднімі пераможцамі Аўстраліскага турніру сталі Рафаэль Надаль, у напружанай барацьбе абыграўшы Роджэра Фэдэрэра, і Серэна Ўільямс, сламіўшая супраціў Дынары Сафінай.

Photo by The Lab – http://www.flickr.com/photos/the-lab/