Пераможцам сярод мужчын у пяты раз стаў Роджэр Фэдэрэр, які вярнуўся сабе страчаны ў мінулым годзе першы радок сусьветнага рэйтынгу. Швейцарац упершыню ў кар’еры выйграў Адкрыты чэмпіянат Францыі (Ралан Гарос) – адзіны турнір Вялікага шлема, на якім яму ніяк не атрымоўвалася перамагаць. А затым стаў найлепшым і на Ўімблдоне, пабіўшы рэкорд Піта Сампраса па колькасьці тытулаў на турнірах Grand Slam. Такім чынам ў Фэдэрэра зараз 15 перамог на турнірах Вялікага Шлема.

Для Серэны Ўільямс тытул чэмпіёнкі сьвету стаў другім ў кар’еры. Амерыканка выйграла Austalian Open і Ўімблдон, што дазволіла ёй умацавацца на першым радку рэйтынгу WTA.

Роджэр Фэдэрэр, які ўжо пацьвердзіў свой удзел у паказальным турніры ў Абу Дабі, заявіў, што будзе імкнуцца толькі да перамогі.

Роджэр Фэдэрэр: “Мне спадабалася гуляць у Абу Дабі летась. І я быў насамрэч расчараваны, што прайграў яшчэ ў паўфінале. Атмасфера на стадыёне і падтрымка публікі проста ўзрушаючая, і мне вельмі хочацца вярнуцца і нарэшце выйграць тут”.

Нагадаем, што ўсяго на турніры згуляюць шэсьць мацнейшых тэнісістаў. У адпаведнасьці з рэгламентам, першыя дзве ракеткі турніру – Фэдэрэр і Надаль – пачнуць выступ з паўфіналаў. Іх супернікі вызначацца ў матчах паміж іншымі чатырма ўдзельнікамі – Мікалаем Давыдзенка, Жо-Вільфрэдам Тсонга, Робінам Содэрлінгам і Станісласам Ваврынкам.

Пераможцам турніру Абу Дабі ў 2009 стаў Эндзі Мюрэй. Ён ў паўфінале перамог Фэдэрэра, а ў фінале абгуляў Надаля.

Роджэр Фэдэрэр пацьвердзіў, што прыме ўдзел у паказальным турніры Capitala World Tennis Championship, што пройдзе ў Абу-Дабі з 31 сьнежня па 2 студзеня.

Акрамя швейцарца на турніры выступяць: другая ракетка сьвету Рафаэль Надаль, Мікалай Давыдзенка, Жо-Вільфрэед Тсонга, Робін Содэрлінг і Станіслас Ваврынка.

Першая ракетка сьвету швейцарац Роджэр Фэдэрэр атрымаў ад сваіх прыхільнікаў падарунак – чатыры кнігі па 200 старонак у кожнай, дзе апісаны разнастайныя аспекты яго жыцьця ў мінулым сезоне.

Ініцыятарам падобнай акцыі стала аргентынская прыхільніца тэнісіста – Сільві. Яна займалася каардынацыяй гэтага праекта, афармленьнем дызайну, а друкавалі кнігі ўжо ў Швейцарыі. Прычым група заўзятараў, якая працавала над кнігай, зьмесцавала там вялікую колькасьць фатаграфій, малюнкаў, артыкулаў з газет і часопісаў, а таксама нататак саміх фанатаў. Кнігі былі падораныя Роджэру.

Роджэр Фэдэрэр: “Гэта асаблівы падарунак для мяне. Шмат з таго, што я тут знайшоў, я не бачыў раней. Дзякую усіх! Я ведаю, што над стварэньнем гэтага праекта працавала шмат людзей з розных краінаў сьвету. Гэта дзіўныя кнігі”.

Напрыклад, букмекерская кантора William Hill ацэньвае шанцы на перамогу Фэдэрэда ў гэтым турніры каэфіцыентам 3,5. Следам ідуць Хуан Марцін дэль Потро і Эндзі Мюрэй – па 5,0, затым Рафаэль Надаль – 7,0. Посьпех расійскага тэнісіста Мікалая Давыдзенкі ацэньваецца каэфіцыентам 13,0.

Кантора Ladbrokes таксама лічыць фаварытам Фэдэрэра – 3,5. Шанцы Мюрэя і дэль Потро ацэньваюцца аднолькава – 5,0. Каэфіцыент 6,0 прапаноўваецца на Новака Джокавіча, 7,0 – на Надаля. На перамогу Давыденко можна паставіць з каэфіцыентам 13,0.

А Betfair прапануе наступную лінію ставак: Фэдэрэр – 3,55, Дэль Потро – 6,4, Мюрэй – 7,6, Джокавіч – 8,4, Надаль – 9,2, Давыдзенка – 26,0.

Апублікаваны сьпіс самых папулярных тэнісістаў па версіі пошуковай сістэмы Google. У 2009 годзе карыстальнікі шукалі гэтыя імёны найчасьцей:

1. Роджэр Фэдэрэр
2. Серэна Ўільямс
3. Рафаэль Надаль
4. Марыя Шарапава
5. Ганна Курнікава
6. Вінус Ўільямс
7. Андрэ Агасі
8. Кім Кляйстэрс
9. Дынара Сафіна
10.Моніка Селеш

Справаздача даследчай групы Sweeney Sport Report паказаў, што за зімовы перыяд 2009 тэніс быў самым папулярным спортам у Аўстраліі. Гэты від спорту набраў 58% цікавасьці гледачоў.

Кіраўнік Федэрацыі тэніса Аўстраліі Крэйг Цілі выказаў натхненьне паводле вынікаў апытаньня.

Крэйг Цілі: “Даследваньне Sweeney – адзін з пазітыўных паказчыкаў росту папулярнасьці і развіцьця тэніса. Але гэта не падстава расслабляцца, наадварот, мы павінны разьвіваць супрацоўніцтва з клубамі, цэнтрамі і трэнерамі для таго, каб тэніс стаў больш даступным”.

Найбольш прэстыжны турнір Аўстраліі – Australian Open – пройдзе з 18 па 31 студзеня 2010. Мінулагоднімі пераможцамі Аўстраліскага турніру сталі Рафаэль Надаль, у напружанай барацьбе абыграўшы Роджэра Фэдэрэра, і Серэна Ўільямс, сламіўшая супраціў Дынары Сафінай.

Photo by The Lab – http://www.flickr.com/photos/the-lab/

Расійскі тэнісіст абгуляў першую ракетку сьвету Роджэра Федэрэра і выйшаў у фінал выніковага турніру Асацыяцыі тэнісістаў-прафесіяналаў (АТР) у Лондане. У першым сэце расеец выйграў – 6:2, у другім прайграў – 4:6, але ў трэцім зноў здолеў атрымаць перамогу – 7:5.

Гэта быў 13 афіцыйны матч Давыденко і Федэрэра, прычым дагэтуль расейцу ні разу не атрымоўвалася выйграць у швейцарца. За ўвесь гэты час Мікалай здолеў выйграць толькі чатыры сэты. Да прыезду ў Лондан апошнія пяць матчаў былі прайграныя ім цалкам.

Першая ракетка сьвету Роджар Федэрэр прайграў у заключным матчы групавога этапу выніковага турніру ў Лондане аргентынцу Хуану Марціну Дель Потро з лікам 2:6, 7:6, 3:6.

Роджар Федэрэр: “Вядома, галоўнай задачай было выйсьці ў паўфінал. Прама скажам, я дрэнна выглядаў пры ліку 2:6, 4:4. Але я спрабаваў знайсьці сваю гульню і ўсё такое. Гэта нагадала мне першыя два матчу папярэдняга турніру. Я гуляў вельмі павольна, і мне не атрымоўвалася знайсьці сваю гульню. Быў цяжкі пачатак тай-брэйку, я проста спрабаваў учапіцца. Ён (Дель Потро) выдатна падаў пры рахунку 5:4, але потым здзейсніў прамашку з форхенда. Я ведаў, што нельга прайграваць у двух сэтах, інакш вылечу. Таму я вельмі рады, што атрымалася выйграць другі сэт”.