Пераможцам сярод мужчын у пяты раз стаў Роджэр Фэдэрэр, які вярнуўся сабе страчаны ў мінулым годзе першы радок сусьветнага рэйтынгу. Швейцарац упершыню ў кар’еры выйграў Адкрыты чэмпіянат Францыі (Ралан Гарос) – адзіны турнір Вялікага шлема, на якім яму ніяк не атрымоўвалася перамагаць. А затым стаў найлепшым і на Ўімблдоне, пабіўшы рэкорд Піта Сампраса па колькасьці тытулаў на турнірах Grand Slam. Такім чынам ў Фэдэрэра зараз 15 перамог на турнірах Вялікага Шлема.

Для Серэны Ўільямс тытул чэмпіёнкі сьвету стаў другім ў кар’еры. Амерыканка выйграла Austalian Open і Ўімблдон, што дазволіла ёй умацавацца на першым радку рэйтынгу WTA.

Серэна Ўільямс (ЗША): “Мяне аштрафавалі, не на $82,000, а на $92,000. Я заплаціла $10,000 адразу пасьля US Open. Гэта самы буйны штраф у гісторыі тэніса.

Тым часам, не ўзгадаю, каб хто-небудзь з ITF выбачаўся перада мною ў сувязі з тым, што іх прадстаўнік падчас гульні зрабіў хібную заўвагу, якая прывяла да катастрафічных наступстваў.

Пасьля заўвагі аб заступу я пацікавілася, выпадковасьць гэта ці наўмысна злоснае судзейства?! Усю сваю кар’еру я трымала сябе ў руках. Але відавочна, тут маё цярпеньне лопнула.

Джэфа Таранго аштрафавалі на ўдвая меншую суму пасьля таго, як хтосьці з яго каманды паспрабаваў фізічна разабрацца з суддзём! І што наконт Джона Макінроя, які ператварыў спрэчкі з суддзямі ў сведчаньне крутасьці? Мабыць, гэта дзейнічае толькі для мужчын. Паміж ім і мной сапраўды вялікая розніца. На жанчын Першая Папраўка ўжо не распаўсюджваецца? Пасьля гэтага выпадку прадстаўнікі камітэта і ITF патэлефанавалі, адправілі паведамленьні і напісалі лісты куды толькі можна. Іранічна, ці не праўда? Справа не ў тым, што мяне аштрафавалі. Я была не права і прымаю наступствы. Я толькі прашу для сябе роўных правоў з усімі астатнімі”.

Лідэр рэйтынгу WTA Серэна Ўільямс, аштрафаваная за свае паводзіны на US Open, на старонках свайго афіцыйнага сайту распавяла аб дабрачыннай місіі, паводле якой амерыканка збіраецца ахвяраваць сваю вопратку.

Серэна Ўільямс: “Я хацела добраахвотна павялічыць свой штраф да USD 92,000 і накіраваць грошы на некаторыя з маіх дабрачынных ініцыятываў. Але паколькі ITF адхіліла маю просьбу, я вырашыла самастойна сабраць грошы для майго фонду, школы, якая хутка адкрыецца ў Афрыцы і іншых распачынаньняў.

Я буду не толькі збіраць сродкі, але і ахвяраваць. Я аддам адзежу, якую насіла на турнірах Вялікага Шлема на аўкцыён, усе атрыманыя сродкі ад якога пайдуць на дабрачыннасьць.

Як вы ведаеце, па адукацыі я адвакат. Таму яшчэ я пералічу грошы вучэбным установам Каліфорніі і Фларыды. Адукацыя – гэта бясцэнны досьвед, і я бы жадала дапамагчы ў гэтым жанчынам. Незалежна ад таго, чым ты займаешся і якога колеру твая скура, твае правы не павінны ўшчамляцца па палавой прыкмеце. Я пачну з таго, што аддам адзежу ў жаночыя прытулкі па ўсёй Каліфорніі. Давайце зробім гэта разам!”

Букмекеры лічаць Серэну Ўільямс (Serena Williams) галоўным фаварытам на перамогу Australian Open. Асноўнай суперніцай амерыканкі, як лічаць эксперты, стане бельгійка Кім Клійстэрс. Глядзець усе стаўкі…

Sky Bet прымае стаўкі на перамогу Серэны з каэфіцыентам 3,75. Посьпех Кім Клійстэрс ацэньваецца каэфіцыентам 4,5, Жюсцін Энен – 5,5, Вінус Ўільямс – 8,0, Маша Шарапава – 9,0.

William Hill таксама лічыць Серэну асноўным фаварытам на турніры – 3,5. Далей ідуць:
Клійстэрс – 5,0
Энен – 6,0
Вінус Ўільямс / Шарапава па 7,0

Ladbrokes прапануюць наступныя каэфіцыенты:
Серэна Ўільямс – 4,0
Клійстэрс – 5,0
Энен – 6,0
Шарапава – 7,0
Вінус Ўільямс – 9,0

Апублікаваны сьпіс самых папулярных тэнісістаў па версіі пошуковай сістэмы Google. У 2009 годзе карыстальнікі шукалі гэтыя імёны найчасьцей:

1. Роджэр Фэдэрэр
2. Серэна Ўільямс
3. Рафаэль Надаль
4. Марыя Шарапава
5. Ганна Курнікава
6. Вінус Ўільямс
7. Андрэ Агасі
8. Кім Кляйстэрс
9. Дынара Сафіна
10.Моніка Селеш

Справаздача даследчай групы Sweeney Sport Report паказаў, што за зімовы перыяд 2009 тэніс быў самым папулярным спортам у Аўстраліі. Гэты від спорту набраў 58% цікавасьці гледачоў.

Кіраўнік Федэрацыі тэніса Аўстраліі Крэйг Цілі выказаў натхненьне паводле вынікаў апытаньня.

Крэйг Цілі: “Даследваньне Sweeney – адзін з пазітыўных паказчыкаў росту папулярнасьці і развіцьця тэніса. Але гэта не падстава расслабляцца, наадварот, мы павінны разьвіваць супрацоўніцтва з клубамі, цэнтрамі і трэнерамі для таго, каб тэніс стаў больш даступным”.

Найбольш прэстыжны турнір Аўстраліі – Australian Open – пройдзе з 18 па 31 студзеня 2010. Мінулагоднімі пераможцамі Аўстраліскага турніру сталі Рафаэль Надаль, у напружанай барацьбе абыграўшы Роджэра Фэдэрэра, і Серэна Ўільямс, сламіўшая супраціў Дынары Сафінай.

Photo by The Lab – http://www.flickr.com/photos/the-lab/

Камітэт па справе першай ракеткі сьвету амерыканкі Серэны Ўільямс, якая абразіла лінейнага суддзю падчас паўфінальнага матчу US Open, завершыўся напярэдадні ў Лондане. У выніку амерыканцы было прадпісана заплаціць грашовы штраф, сума якога складзе USD 82 500, што менш паловы ганарару, атрыманага Серэнай за выхад у паўфінал Адкрытага чэмпіянату Злучаных Штатаў. Аднак гэты штраф аказаўся рэкордным для прафесійнага тэніса.

Раней дапушчалася, што амерыканка будзе адхілена ад удзелу ў адным з турніраў Вялікага шалома.

Серена Ўільямс ужо двойчы прыносіла прабачэньні за свае паводзіны суддзі, Тэніснай асацыяцыі ЗША і нам, простым аматарам.

Відэа-напамін: Серэна Ўільямс пагражае суддзі на US Open 2009